ZER DA ALTXAPORRU? // gorkasasieta@gmail.com // 619689884 // Itsaso, Gipuzkoa

martes, 20 de diciembre de 2011

Porru eta txanpi "quiche"a


Hona hemen probatu berri dugun errezeta! Goxo-goxoa dago, gomendatzen dizuet!

Osagaiak (4 pertsonentzako):

- Porruak 4
- Txanpinoiak
- Hojaldrea
- Esne gaina
- Arraultzak 4

Asteko porrua zatitu eta egosi 15 minutuz, bitartean txanpiak laminetan sartaian egin.

Hojaldrea laberako ontzian jarri, sardexkarekin zulotxoak egin eta garbantzuak bota hojaldrea igo ez dadin. 15 min 200 gradutan.

Esne gaina eta arraultzak batidorakin nahastu, gatza eta piperbeltz piskat botaz.

Porruei ura ondo kendu eta hojaldreari gehitu txanpiekin batera, ondoren esne gain eta arraultza nahasketa bota eta labean sartu beste 30 minutuz, 190 gradutara.

Listo! Jateko prest!

On egin!

Miren

sábado, 10 de diciembre de 2011

Agerrera bisita

Joan den abenduaren 3an Agerren izan ginen bisitan, eta hemen dituzue orduan ateratako argazki batzuk.








Baserriaren atzeko aldean dago ikuilua. Behiak lotu gabe daude, eta jana aurrekaldeko ilaran jartzen zaie. Erdian berriz etzateko tokiak dauzkate, lurra baino altuxeago, eta aurreraka bakarrik sartu litezke. Horrela etzateko lekuan ez dute ximaurrik egiten, eta beti garbi eta lehor daukate etzateko lekua. Lurra parrillazkoa da, eta ximaurra azpiko kanal batera erortzen da, eta hortik depositu batera doa. Ondoren, ongarri bezala erabiltzen da ximaur hau, baserriko zelaietan.








Jana egunean behin banatzen zaie, eta oinarria etxeko belarrarekin egindako siloa da. Udaberrian belar berdea jasotzen da, pilatu, ondo zapaldu eta plastikoz estaltzen da fermentatu eta negura arte kontserbatzeko. Razioa behi bakoitzeko 25 kilo silo, 5 kilo pentsu, eta alpapa eta lasto pixka batekin osatzen da. Udan larrean aritzen dira behiak, baina neguan ikuilu barruan egoten dira, zelaietan belarra oso motza delako, eta giroa bustia denean hankekin zelaiak hondatuko lituzketelako.














Behi bakoitzak txip bat dauka lepoan, eta esne asko ematen ari direnei razio extra bat ematen zaie. Atzeko aldean dagoen jantokian sartzen dira, eta sensore batek zein behi sartu den detektatzen du, eta dagokion pentsu razio extra ematen dio. Albo batean berriz rodillo berde hau daukate, behi bat rodilloaren kontra jartzen denean jiratzen hasten da, eta horrela hazka egiten dute.




























Hau egun bateko txahala da. Bigaia da eta Frisiar arrazakoa, beraz etxean haziko da, behietarako.















Ardiak ez dute zelaia hondatzen, eta belar motza hobeto aprobetxatzen dutelako, neguan larrean aritzen dira baserri ondoko zelaietan, eta uda partea berriz Irimoko magaletan pasatzen dute.
















Hau baserriaren barrualdean dago, eta behiak jeisteko tokia da. Aldiko 10 behi ilaran jartzen dira eta esnea zuzenean doa esne biltegira. Hemen esne tankeetan esnea hozten da 4 gradutara, ondoren pasteurizatu (72 gradu arte berotzen da, eta azkar hoztu berriro), eta poltsetan sartzen da azkenengo makinarekin.















Eta esnea prest dago kalean banatzeko.










Hemen daukazue Urretxu-Zumarragan Agerreko esnea izaten duten saltokien zerrenda. Inolaz ere, laster pasako dizuegu enkuestatxo bat, ea nortzuk zaudeten interesatuta esnea jasotzeko, eta eskaeraren arabera posible izango da astelehenetan banatzea, barazkiekin batera.



martes, 6 de diciembre de 2011

OTARRAK


Orain arteko otarren argazkiak dituzue hauek, azaroaren 2koa lehenengoa, eta azkena aste hontakoa, abenduaren 5ekoa, 6garren otarra.











































miércoles, 30 de noviembre de 2011

Borraja pastela labean.

Osagaiak:
- Patatak (3 handi xamarrak)
- Borrajak (3 edo lau sorta)
- Tipula (bat).
- Perretxikuak (onddoak badira hobe, baina eskura dauzkagunak izan daitezke).
- Gazta xehatua.

Prozedura:
Lehendabizi, patatak egosiko ditugu, ur eta gatz pixka batekin, ordu laurdenean edo.
Honen ondotik, patatei azala kendu eta xaflak eginez, ondoren labean sartuko dugun bandeja batean jarriko ditugu. Patatak plateraren oinarria izango dira.
Hurrengo pausoa, borrajak garbitu ondoren juliana erara moztuta, lapiko expressean sartzea izango da. Borrajak uretan sartu ordez, sare baten gainean (barrenen ura gazituta jarriko degu) Honela, bapore bidez egosiko dira. 5 minutu inguru iraungo du honek. Egosi ondoren, patatak estaliko ditugu borrajarekin.
Perretxiku garaia dela eta, perretxikuak tipularekin frijituko ditugu zartagin batean. Ondo erregosita ditugunean, borrajen gainera botako ditugu hauek ere.
Labea 200º eta grill jarriko degu.
Azkenik, gazta xehatua jarri pilo guztiaren gainean eta labera sartu (labea beroa dagola ziurtatu ondoren). Gazta gorritu denean atera eta listo!
* Egin ondoren, pentsatu dugu, beharbada hobe atera litekeela patatak xaflatan zatitu ordez, patata purea egitea, eta hori izatea oinarria –egiteko errazagoa ere bada-. Perretxikurik ez dugunean, haragi xehatua bota diezaiokegu, adibide bat jartzearren.


Eskarola pixka batekin ederra zegoen!



domingo, 27 de noviembre de 2011

Zerba orri mamiak bere saltsan.

Osagaiak:
- 6 zerba hosto.
- Patata bat.
- York urdaiazpikoa.
- Tenpura irina.
- Oliba olioa.
- Gatza.
Prozedura:
Zerbak garbitu ondoren, alde batetik hostoak eta bestetik zerbaren orri mamia -penca- banatuko ditugu, orri mamiekin hamar/hamabi zati berdin eginez.
Lapiko expresean hostoak eta patata, ur eta gatz apur batekin egosten jarriko ditugu eta bertan, sare batez bildurik orri-mamiak, azken hauek soilik baporearekin egosi daitezen. Gutxi gorabehera, 5 minutuz egosi daitezela.
Egosi berri ditugun hosto eta patatekin krema bat egingo dugu, turmix, txino edo dena delakoan.
Erdian york urdaiazpikoa sartuta, aurrez zatituta genituen orri mamiak binaka hartuko ditugu –hamar zati egin baditugu hasieran, orain bost edukiko ditugu-. Orri mami bikoteak tenpura* irinetan ondo busti ondoren, oliba oliotan –oso beroa egon dadila- frijitu behar dira.
Amaitzeko, azpian krema jarriko dugu, gainaldean, berriz, zerbaren orri mami frijituak eta txorrotara oliba oliorekin goxatuko dugu –nahi izanez gero, york urdaiazpiko xehatua ere bota diezaiokegu gainean-.
* Tenpura irina, ur oso hotzarekin nahastu behar da aurrez, ez baita irin arrunta.


sábado, 19 de noviembre de 2011

Indaba soroa

Hemen dituzue aurtengo indaba soroaren argazki batzuk. Hasteko rotabatora pasa genuen maiatza hasieran. Apirileko bisitan etorri zinetenean pasatzeke zegoen oraindik.












Hazitarako babarruna, inongo tratamenturik gabe. Kasu batzutan hauts funjizida batzuk erabiltzen dira gaixotasunak prebenitzeko, baina ekologikoan ez da onartzen, eta gainera inguru hauetan ez da beharrezkoa.












Ereiteko, lehenik eta behin sokarekin ilarak markatu, bata bestearekiko 1,5 metrora eta ondoren plantadorea izeneko tresnarekin sartzen dugu hazia lurrean, 40 zentimetrotik behin bi ale, gutxigorabehera.


















Landarea erne eta laister parrak jarri (batzuk burnizkoak eta beste batzuk hurritzez geuk eginak), eta inguruko belarrak atera behar zaizkio, ahal dena biziazada izeneko tramankuluarekin, eta gainontzekoak eskuz.






























Kale tartean ere belarra indartsu etortzen da, eta hemen rotabatora txikia pasatzen dugu belarrak atzeratzeko.



















Dagoeneko lan gehiena eginda. Aurten ureztatze sistema jarri beharrik ere ez dugu izan uztaila nahiko euritsua izan zelako, eta iraila eta urria hasiera lehorra izatea primeran etorri da indaba heltzeko eta biltzeko.

































Bildu eta ganbaran jasotzea besterik ez da falta, aletu aurretik lehortze prozesua ondo bukatzeko.

domingo, 6 de noviembre de 2011

Itsasora bisita


Urretxu-Zumarragan sortu berri da Altxaporru basherri taldea, eta hasierako bi bileren ondoren, urriaren 25ean Itsason izan zen taldea, baratzak eta fruta-arbolak ikusten.










Ia bukatzen ari diren mahatsak probatzeko aukera izan genuen,
















eta kiwiak ikusi ere bai, oraindik bildu gabe, baina laster bildu beharrekoak, izotzak hasi aurretik. Hauek probatzeko ganbaran heldu arte itxoin behar, oraindik gogorrak daude ta...









Sagar zukua probatu genuen, erabat naturala eta kontserbatzeko pasteurizatzea (80-82 gradutara berotzen dugu) beste tratamenturik ez duena. Abenduan hasiko gara banatzen, otarraz aparteko produktu extra bezela.








Hemen gure "biciazada", baratza jorratzeko erabiltzen dugun tramankulua, oso praktikoa benetan! Baratzan, azak, erremolatxa, eta atzean indaba, iadanik bilduta.








Hemen ganaduarentzako erremolatxa lehenengo ilaran, ondoren lonbardak, azenarioak, porruak, kalabazinak, eta kalabazak.










Kalabazak gertuagotik....










Lonbardak...











Indaba ganbaran, beltza lurrean aletzeke, eta txuria aletuta. Azpian intxaurrak.












Hau udako baratza da, ia azkenetan, tomateak, bainak, kalabazinak, letxugak, artoren batzuk,...












Dolarea, sagardoa egin eta erabat desmuntatu gabe geneukan oraindik, eta bodegan sagardoa irakiten (fermentatzen), eta geratu zaizkion pusketak kanporatzen.















Eta azkenik, taldeari izena jartzeko leihaketako irabazleak, Miren eta Borja beraien saria jasotzen, geuk egindako bi mermelada potetxo, eta gindilla pote bat. Altxaporru!